The Lord's Prayer in Arapaho.

Beehiiniisonoonibéíhi-n, nenéénin hihcébe’ héentoo-n,

he-níísih’íít toh-béteenóó-’.

héet-ííne’etiiwóóhu-n heetíh-no’useenóó-’,

hínee heesí3ecóó-n heetíh-néé’eesóó-’,

teesííhi’ bííto’ówu-u’ hínee héesóó-’ hihcébe’ hínee héétoo-n.

cíh-biin-éi’ee nuhu’ híísi’ hééyowuuhu’ ne-bíí3ihiin-ínoo.

heetíh-kóuutenowuun-éi’een neenéis-nóntoo-ni’.

heetíh-kóuutenowuun-óóno’ hei-cíí-niini’ihéiitoon-ín.

cih-’oo’éíxoh-éi’ee héet-noxóxhoo3óó-’ nuhu’ héet-wotóxoobéé-’ hííne’etíít,

heetíh-cih-nóókootíxoh-éi’een héet-cíí-ni’óó-’.

néé’eesóó-’.